NFTE BSNL ERODE

ரஷ்யப் புரட்சியின் நூற்றாண்டு

சுரண்டலை ஒழிக்க வந்த புரட்சி
நூறாண்டு கண்ட ருஷ்யப் புரட்சி
உலகம் முழுதும் சுதந்திரக் காற்றை
சுவாசிக்க வைத்த உன்னதப் புரட்சி
பாசிசம் வீழ்த்தி மக்களாட்சிக்கு
பாதை வகுத்த அற்புதப் புரட்சி
மார்க்ஸ் எங்கெல்ஸ் தத்துவத்தை
உயிர்பெறச் செய்த உன்னதப் புரட்சி
இன்றைய நாளில் அன்று நிகழ்ந்த
மனிதகுல விடுதலைக்கான
மாபெரும் புரட்சியைப் போற்றிடுவோம்
ரஷ்யப் புரட்சியின் தியாகங்களை
நெஞ்சில் ஏற்றுச் சபதமேற்போம்.

மானுட விடுதலை பூமியில் மலர்ந்திட
சோவியத் மண்ணில் வித்திட்ட
நவம்பர் புரட்சி என்றும் வாழ்க!
மார்க்சின் தத்துவம் நடைமுறையாக்கிய
லெனினின் புரட்சி என்றும் வாழ்க!
நூறு ஆண்டுகள் முடிந்தாலும்
கலங்கரை விளக்காய்த் திகழ்கின்ற
நவம்பர் புரட்சி என்றும் வாழ்க
சுரண்டலிலிருந்து விடுதலையே
உண்மையான விடுதலையாகும்!
எந்த வடிவில் இருந்தாலும்
சுரண்டலை முற்றாய் ஒழித்திடுவோம்!
உலகத் தொழிலாளர் ஒற்றுமையை
கண்ணின் இமைபோல் காத்திடுவோம்!
மதச்சார்பின்மையைப் பலிகொடுக்கும்
மதவாதத்தினை முறியடிப்போம்!
இந்திய நாட்டு அரசியலை
சீரழிக்கும் பாசிஸ மோடியின்
ஆட்சியை நாமும் அகற்றிடுவோம்!
வெல்லட்டும் வெல்லட்டும்
நவம்பர் புரட்சி வெல்லட்டும்!
லெனின் ஏற்றிய புரட்சி தீபம்
அணையவிடோம் அணையவிடோம்!
வர்க்கப் புரட்சி வெல்லட்டும்
யுகப்புரட்சி வெல்லட்டும்!
இன்குலாப் இன்குலாப் இன்குலாப் ஜிந்தாபாத்!