NFTECHQ

Saturday, 9 March 2019


COMGRTULATIONS

We are extremely happy to express our congratulations to the following comrades who have passed the JTO LICE examinations held on 20.01.2019

1.VASANTHAKUMAR.J
2.SARAVANAKUMAR B
3.SHARMILABANU.J
4.RAMESH C
5.SUKANYA K M
6.SUDHAKARAN P
7.MARUDHAKUMAR M.V
8.SIVASANKARI-D

We wish all the above comrades for  all success in their carrier.

Friday, 8 March 2019

               அன்பார்ந்த
              தோழியர்கள்
            அனைவருக்கும்
               மகளிர்தின
             வாழ்த்துக்கள்

Wednesday, 6 March 2019


வளர்ச்சிவேண்டுமா,

வாழ்க்கை வேண்டுமா?

கதவைத் தட்டும் பேரழிவு: இயற்கை அன்னையின் மடிக்குத் திரும்புவோமா?

நரேஷ்
வெறும் இரண்டு நூற்றாண்டுகளுக்குள்ளாக, மனிதர்கள் இந்தப் பூமியை 50 கோடி ஆண்டுகளுக்கு முந்தைய பருவ நிலைக்குக் கொண்டுவந்துவிட்டார்கள். அப்போது பூமியில் உயிர்கள் இல்லை என்பதை நினைவில் கொள்ளுங்கள்!
- தேசிய அறிவியல் அகாடமி மாநாட்டில் வெளிப்பட்ட கருத்து கட்டுரைக்குள் செல்லும் முன்பு அந்த ஆய்வறிக்கையில் குறிப்பிடப்பட்ட நம்ப முடியாத சில தகவல்களைப் பார்த்துவிடலாம். ஏனென்றால்விரைவில் பூமி பேரழிவைச் சந்திக்கப்போகிறதுஎனும் வாதம்இயற்கை ஆர்வலர்களின்கூச்சல் அல்ல என்பதையும், இயற்கை ஆர்வலர்களைவிட அறிவியலாளர்களும் விஞ்ஞானிகளும்தான் இந்தப் பேரழிவைக் குறித்து அரற்றிக்கொண்டிருக்கிறார்கள் என்பதையும் சொல்ல வேண்டியிருக்கிறது.
* மனிதச் செயல்களால் வெளிப்படும் சீரழிவுகள் இதே போலத் தொடர்ந்தால், 2030க்குள் புவியின் பருவநிலையிலும் வடிவமைப்பிலும் மிகப் பெரிய மாற்றம் நிகழும்.
* அந்த மாற்றம் என்பது 30 லட்சம் ஆண்டுகளுக்கு முந்தைய பூமியின் பருவநிலையை ஒத்ததாக இருக்கும். அந்தக் காலகட்டத்தினை ‘Mid-Pliocene Era' என்று வகைப்படுத்தியிருக்கிறோம்.
* Mid -Pliocene Era எப்படி இருந்தது என்பதைத் தெரிந்துகொண்டால், 2030 ஆண்டு என்ன மாதிரியான அழிவுகள் நிகழும் என்பதைப் புரிந்துகொள்ளலாம். 30 லட்சம் ஆண்டுகளுக்கு
முந்தைய பூமியின் பருவநிலை மாற்றம் என்பது

1) பனிப்பாறைகளின் அதீத உருக்கம்
2) பூமியின் நிலமண்டல தட்டுகளின் நகர்வு
3) வளிமண்டலத்தில் அதீத அளவிலான கரியமில வாயுப் பொதிவு
ஆகியவற்றை உள்ளடக்கிய மாற்றங்கள் ஆகும்.
* இந்தக் காலகட்டத்தில்தான் உயிரினப் பரிமாற்றத்தில் மிகப் பெரிய மாற்றம் நிகழ்ந்தது. இந்தக் காலகட்டத்துக்குப் பிறகுதான் மனிதர்களின் பரிணாமம் விரைவானது. இப்போது அந்தக் காலத்தை நோக்கிப் பின்னோக்கிச் சென்றுகொண்டிருக்கிறோம். இது என்ன மாதிரியான அழிவுகளை உண்டாக்கும் என்பதைக் கணிக்க முடியாது.
* இதே நிலை நீடித்தால் 2150 ஆண்டின் பருவநிலை என்பது ஐம்பது கோடி ஆண்டுகளுக்கு முந்தைய பூமியின் பருவநிலை போன்றதாக மாறும்.
* 50 கோடி ஆண்டுகளுக்கு முந்தைய பருவநிலை - ‘Eocene era’ எனப்படும். தற்போதைய வளிமண்டல வெப்பநிலையைவிட 8-13 டிகிரி செல்சியஸ் அளவுக்கு அதிகமான வெப்பநிலை நிலவிய காலகட்டம் அது.
இவை வெறும் கணிப்புகள் அல்ல. மேற்குறிப்பிட்ட அழிவுகள் நிகழ்வதற்கான சாத்தியக்கூறுகள் எவ்வளவு உறுதியானவை என்பதைப் புரிந்துகொள்ள ஒரு செய்தியைக் குறிப்பிடுகிறேன். இந்த ஆய்வு முடிவுகள் ஒரே ஓர் ஆய்வகத்தைச் சார்ந்த பொதுவான முடிவல்ல. National academy of science உடன் இணைந்து University of Bristol, Columbia University, University of Leeds, NASA Goddard Institute for Space Studies, The National Center for Atmospheric Research போன்ற உலகத் தரம் வாய்ந்த அதிநவீன தொழிற்கூடங்களில் கண்டறியப்பட்ட தகவல்கள் இவை.
அறிவியல், முன்னேற்றம் என்று அதிவேகத்தில் முன்னேறிச் செல்வதாக நினைத்துக்கொண்டிருக்கிறோம். அந்தமுன்னேற்றத்துக்காக நாம் பல்வேறு அழிவுச் செயல்களில் ஈடுபட்டிருக்கிறோம். இப்போதும் ஈடுபடுகிறோம். நாம் செய்யும் அனைத்துத் தவறுகளுக்கும் அழிவுகளுக்கும்முன்னேற்றத்தைக் காரணம் காட்டி அக்கறையின்றி நகர்ந்தோம். அதன் விளைவுகள் உண்மையில் நம்மை அதிவேகமாகப் பின்னோக்கி இழுத்து வந்திருக்கின்றன.
திரும்பிச் செல்ல இயலாத தொலைவுக்கு வந்திருக்கிறோம். இன்னும் கொஞ்சம் மிச்சமிருக்கிறது. திரும்பிச் செல்வதற்கான கதவுகளும் திறந்தே இருக்கின்றன. வளர்ச்சிக் கதவுடன் முட்டி மோதிக்கொண்டிருப்பதற்குப் பதிலாக அரவணைக்கக் காத்திருக்கும் இயற்கையின் மடிக்குத் திரும்புவோம்.

Monday, 4 March 2019


மயான அமைதி மாயுமா?

ஒன்று, இரண்டு, மூன்று, நான்கு என நாட்கள் மட்டுமே நகர்கின்றன.

நாளெல்லாம் உழைத்த உழைப்புக்கு ஊதியத்தை
இன்னும் ஊழியர்கள் பெறவில்லையே என்ற கவலை, வருத்தம், ஆதங்கம் இவை கூட தென்படவில்லையே.

நிறுவமத்தின் தலைவர் சம்பளம் பெற்று விட்டார். தொழிற்சங்கத்த் தலைவர்கள் ஓ..ய்..வூ..தியம் பெற்று விட்டனர். தொழிற்சங்கத்த் தலைவர்களுக்கு  உள்நாட்டிலும் வெளிநாட்டிலும் உள்ள பலவேறு அதிமுக்கியமான பிரச்னைகளுக்குத் தீர்வு காணவே நேரம் போதவில்லை. இந்நிலையில்  ஊழியர்களுக்கு சம்பளம் வராதது பற்றி சிந்திக்கக் கூட நேரமில்லை. கிடைத்த கொஞ்ச நேரத்தில் ஆர்ப்பாட்டம் செய்யச் சொல்லிவிட்டார்கள்.

அபாவித் தொழிலாளர்களும் அதைச் செய்து விட்டார்கள்.

அநீதி கண்டு ஆர்ப்பரித்து அதிகாரிகளின் அறைகளில் புகுந்து அநீதி களைந்த காலம் நினைவில்லையா?

ஊழியர் உரிமை காத்திட தங்கள் உடலை வருத்தி உண்ணாநோன்பிருந்து உரிமைகள் காத்திட்ட தலைவர்களின் தியாக வரலாறுகள் நினைவில்லையா?

"கலங்காதிரு மனமே" என்று ஒருவரி கூட சொல்ல இயலாத தலைவர்கள்.

உழைத்த உழைப்புக்கு  ஊதியம் தராமல் ஊழியர்களை உதாசீனப்படுத்தி ஊழியர்களின் மனதில் ஏற்பட்டிருக்கும் காயத்திற்கு மருந்து தடவ தலைவர்கள் தவறியது ஏன்?

இந்த மயான அமைதி கலைடயுமா?

ஊழியர்களின் கவலை தீருமா?           

Friday, 1 March 2019


வாழிய பல்லாண்டு
28.02.2019 அன்று பணி ஓய்வு பெற்ற
தோழர்கள்
1.G.முகமது ஹுசைனி  TT ஈரோடு
2.தோழர் M.விஜயகுமார் TT வெள்ளகோவில்
3.தோழர் C.சின்னண்ணன் TT கவிந்தப்பாடி
ஆகியோர் நலமுடனும்
மகிழ்வுடனும்
 பல்லாண்டு வாழ  வாழ்த்துகிறோம்.

Sunday, 24 February 2019


பெரியார் மன்றம் தந்த பேரானந்தம்

23.02.2018 அன்று ஈரோடு மத்திய அரசு ஊழியர் நலச் சங்கத்தின் ஆண்டுப் பொதுக்குழு நல்வழிகாட்டும் தலைவர் தோழர் D. மாணிக்கம் அவர்கள் தலைமையில் பெரும் சிறப்புடன் நடைபெற்றது. பொதுச்செயலர் சிறந்த செயல்பாட்டின் இலக்கணமாய்த் திகழும் தோழர் ராஜசேகரன் செயல்பாட்டு  அறிக்கையைச் சமர்ப்பித்து மிகச் சிறப்பான உரையாற்றினார். அனைவருக்கும் பயன் தரும் பல்வேறு தகவல்களை மிகச் சிறப்பாக எடுத்துரைத்தார். தோழர் ராமசாமி நிதிநிலை பற்றி விளக்கினார். தோழர் சண்முகம் மத்திய அரசு ஓய்வூதியர் பிரச்னைகள் மற்றும் வருமான வரி குறித்து  பயனுள்ள உரையாற்றினார். தோழர்கள் ராஜமாணிக்கம், செல்வராஜன் ஆகியோர் சிறப்பான பாராட்டுரையும் வாழ்த்துரையும் வழங்கினர். "பி.எஸ்.என்.எல் இன்று" என்னும் தலைப்பில் நேர்மறையான, நம்பிக்கையூட்டும் தகவல்களுடன் உரையாற்றினார். 500க்கும் மேற்பட்டவர்கள் பங்கேற்று சிறப்பித்தனர். தோழியர்கள் பங்கேற்பு கணிசமாக அமைந்தது குறிப்பிடத்தக்கது. பங்கேற்றவர்களுக்கு பயனுள்ள கருத்துக்களைத் தந்திட்ட ஆண்டுப்பொதுக்குழு.
பெரியார் மன்றம் தந்த பேரானந்தம்

23.02.2018 அன்று ஈரோடு மத்திய அரசு ஊழியர் நலச் சங்கத்தின் ஆண்டுப் பொதுக்குழு நல்வழிகாட்டும் தலைவர் தோழர் D. மாணிக்கம் அவர்கள் தலைமையில் பெரும் சிறப்புடன் நடைபெற்றது. பொதுச்செயலர் சிறந்த செயல்பாட்டின் இலக்கணமாய்த் திகழும் தோழர் ராஜசேகரன் செயல்பாட்டு  அறிக்கையைச் சமர்ப்பித்து மிகச் சிறப்பான உரையாற்றினார். அனைவருக்கும் பயன் தரும் பல்வேறு தகவல்களை மிகச் சிறப்பாக எடுத்துரைத்தார். தோழர் ராமசாமி நிதிநிலை பற்றி விளக்கினார். தோழர் சண்முகம் மத்திய அரசு ஓய்வூதியர் பிரச்னைகள் மற்றும் வருமான வரி குறித்து  பயனுள்ள உரையாற்றினார். தோழர்கள் ராஜமாணிக்கம், செல்வராஜன் ஆகியோர் சிறப்பான பாராட்டுரையும் வாழ்த்துரையும் வழங்கினர். "பி.எஸ்.என்.எல் இன்று" என்னும் தலைப்பில் நேர்மறையான, நம்பிக்கையூட்டும் தகவல்களுடன் உரையாற்றினார். 500க்கும் மேற்பட்டவர்கள் பங்கேற்று சிறப்பித்தனர். தோழியர்கள் பங்கேற்பு கணிசமாக அமைந்தது குறிப்பிடத்தக்கது. பங்கேற்றவர்களுக்கு பயனுள்ள கருத்துக்களைத் தந்திட்ட ஆண்டுப்பொதுக்குழு.

Tuesday, 19 February 2019


வலுக்கும் போராட்டம்
முதல் நாள் 18..02.2019 போராட்டத்தைக் காட்டிலும் இரண்டாம் நாள் 19.02.2019 போராட்டத்தில் கூடுதலான ஊழியர்கள் பங்கேற்றுள்ளனர். வாழ்த்துக்களும் பாராட்டுக்களும்.

மூன்று நாள் வேலைநிறுத்தத்தை 21.02.2019 முதல்  காலவரையற்ற வேலைநிறுத்தமாக  தலைவர்கள் அறைகூவல் விட வேண்டும் என்ற உணர்வு ஊழியர்கள் மத்தியில் உள்ளது.
அதன் மூலமே அரசை நிர்ப்பந்தித்து  ஒரு உடன்பாட்டோடு வேலைநிறுத்தத்தை முடிக முடியும் என்பது ஊழியர்களின் உணர்வு.


வாழ்த்துக்கள்
18.02.2019 அன்று துவங்கிய வேலைநிறுத்தத்தில் பங்கேற்ற அனைவருக்கும் பாராட்டுக்களையும் வாழ்த்துகளையும் தெரிவிக்கிறோம்.

Sunday, 17 February 2019


மாவட்டச் சங்க நிர்வாகிகள், கிளைச்செயலர்கள் 18.02.2019 முதல் நடைபெறவுள்ள மூன்று நாட்கள் நடைபெறும்  வேலைநிறுத்தத்தில் பங்கேற்பதோடு மட்டுமல்லாது அந்தந்த பகுதியில் உள்ள நமது தோழர்களையும் வேலைநிறுத்தத்தில் பங்கேற்க தேவையான முயற்சிகள் அனைத்தையும் மேற்கொள்ள வேண்டும்.
இது முக்கியமான காலத்தின் அவசியமான தேவை.

Saturday, 16 February 2019


வெகுண்டெழுவோம்
வெற்றி பெறுவோம்.
நமது உயிரினும் மேலாக நாம் நேசிக்கும் நமது நிறுவனம் காத்திட,
அதை மேலும் வளர்த்திட 18.12.2019 முதல் மூன்று நாட்கள் வேலைநிறுத்தம்.
வாஜ்பாய் அரசின் காலத்தில் உருவான நிறுவனம். நமது போராட்டத்தால் அரசு ஓய்பவூதியம் பெற்றோம். பணிப்பாதுகாப்பைப் பெற்றோம். நிறுவனத்தின் நிதியாதாரம் காக்கப்படும் என்ற எழுத்து பூர்வமான உறுதியைப் பெற்றோம்.
வாஜ்பாய் மறைந்து விட்டார்.
அன்று உறுதியளித்த அமைச்சர் இன்றும் அமைச்சர்.
வாஜ்பாய்க்கு பாரத ரத்னா விருது வழங்கிய அவரது வாரிசுகள்
வாஜ்பாயின் படத்தை நாடாளுமன்ற மைய மண்டபத்தில் திறந்திட்ட அவரது வாரிசுகள் வாஜ்பாய் அளித்த வாக்குறுதியை மதிக்கத் தவறி விட்டனர். நமது நிறுவனத்தை ச் சீர்குலைத்து விட்டனர்.
நமது நியாயமான  உணர்வுகளை,
உரிமைகளை, கோரிக்கைகளை,
ஊதிய உயர்வு உள்ளிட்ட பிரச்னைகளை,
நமது அறவழிப் போறாட்டங்களை
அலட்சியப் போக்குடன்
அணுகும் போக்கை அனுமதிக்கலாமா?
சங்க வேறுபாடின்றி,
அணி திரள்வோம்.
அரசின் அலட்சியப் போக்கை முறியடிப்போம்.
வெற்றிகள் பல குவித்த
நமது வரலாற்றுப் பாதையில் தடம் பதிப்போம்.
வேலைநிறுத்தத்தை முழுமையாக்குவோம்.
வெற்றி பெறூவோம்.

Friday, 15 February 2019


நெருப்பு இல்லாமலும் புகையும்
நெருப்பு இல்லாமல் புகையாது என்பர். ஆனால் நெருப்பு இல்லாமலும் புகையைக் கிளப்பும் சக்தி சிலருக்கு உண்டு. அப்படிப்பட்ட சக்தி படைத்த சில சதிகாரர்கள்  கிளப்பி விட்ட புகைதான் பி.எஸ்.என்.எல்    மூடப்படும் என்ற செய்தி.

கொள்ளை லாபத்துக்காக  
எதையும் செய்யத் துணியும் கூட்டம் ஒன்று  சுயலாபத்துக்காக செய்த சதி இது.

லட்சக்கணக்கானோரின் வியர்வையிலும் உழைப்பிலும் உதிரத்திலும் விளைந்த இந்த நிறுவனம் மூடப்படும் வாய்ப்பு என்பது கிஞ்சித்தும் கிடையாது.
நமது நோக்கங்களைத் திசை திருப்பும் சதியே இது.

நிறுவனம் காத்திட,
ஊழியர் உரிமை பெற்றிட
18.02.2019 முதல் 20.02.2019 வரை நடைபெறவுள்ள வேலைநிறுத்தத்தை வெற்றிகரமாக்குவோம்.
சதிகளை முறியடிப்போம்.
நமது நியாயமான உரிமைகளைப் பெற்றிடுவோம்.


நேற்றும் இன்றும்

பி.எஸ்.என்.எல் நிறுவனத்தை மூடுவதற்கு அரசு திட்டமிடுகிறது என்று நேற்று எலும்புத்துண்டுகளுக்கு ஆளாய்ப் பறக்கும் சில பத்திரிக்கைகளும், ஊடகங்ளும் செய்தி வெளியிட்டன.

பி.எஸ்.என்.எல் நிறுவனத்தை மூடும் திட்டம் எதுவும் இல்லை என்று இன்று அதிகாரபூர்வமான செய்திகள் வெளியாகியுள்ளன. பி.எஸ்.என்.எல் நிறுவனத்தை மூடுவதற்கு திட்டம் வகுத்தால் அதை லட்சக்கணக்கான ஊழியர்கள் தடுத்து நிறுவனத்தைக் காப்பார்கள்.


Saturday, 2 February 2019


புயலை எதிர்த்து பூத்த பாளை!

கஜா புயலை செய்திக் காற்றாக வீச வைத்த ஊடகங்கள் ஓய்ந்துவிட்டன. வீழ்ந்த மரங்களுக்கும், வாழ்ந்த வாழ்வுக்கும் நிவாரணம் கொடு என்று கேட்ட மக்களின் ஓலங்கள் கொஞ்சம் கொஞ்சமாய் மறக்கப்பட்டுவிட்டன.
கஜா புயலின் போது என் டெல்டா மண்ணில் வேதனையில் திரிந்து சென்னை திரும்பிய நான், போன வாரம் ஊருக்குச் சென்றிருந்தேன். கஜாவால் வேட்டையாடப்பட்ட என் உறவுகளின் வீடுகளுக்கு மீண்டும் சென்று பார்த்தேன். திருத்துறைப்பூண்டி பகுதிதான் கஜாவால் கடுமையான சேதத்தைச் சந்தித்திருந்தது. தென்னை மரங்களை எல்லாம் பார்த்து தேம்பித் தேம்பி அழுதிருக்கிறேன். குளங்களில் எல்லாம் தண்ணீர் மீது இளநீர் தேங்காய்கள் விழுந்து மிதந்துகொண்டிருந்தன. அதே குளங்களில் கஜாவால் வளைத்து ஒடிக்கப்பட்ட தென்னைகள் தங்கள் சோக முகத்தைப் பார்த்துக்கொண்டு ஸ்தம்பித்துக் கிடந்தன. இப்போது ஊருக்குப் போனபோது அறுவடைக் காலம். ஆங்காங்கே சாலையோரங்களில் அறுவடை இயந்திரங்கள் நிறுத்தப்பட்டிருந்தன. ’‘நல்லா கதிர் விடுற நேரத்துல கஜா வந்து ஆட்டி வச்சிருச்சு... நெல் எல்லாம் கருக்காவாப் போச்சு. கண்டுமுதல் பாதியாக் குறைஞ்சுடுச்சுஎன்று ஊரில் தகவல் சொன்னார்கள்.
என் மாமனார் வீட்டின் கொல்லையில் சுமார் நாற்பது தென்னைமரங்கள் கஜாவால் வீழ்ந்திருக்கும். மீண்டும் இப்போது கொல்லைக்கு சென்றேன். வீழ்ந்த மரங்களின் உடல்கள் அப்படியே கிடந்தன. தொட்டுத் தொட்டுப் பார்த்தேன், மத்திய -மாநில அரசுகளைப் போலவே இருந்தன. வளைக்கப்பட்ட தென்னைகள், ஒடிக்கப்பட்ட தென்னைகள், தலைப் பகுதி திருகிப் பிய்த்து வீசப்பட்ட தென்னைகள் எல்லாம் புயல் வீசிய கணத்தை அப்படியே பத்திரப்படுத்தி வைத்திருந்தன தங்களுக்குள்.
நேர்ந்த துயரத்துக்கு இடையே நிமிர்ந்து பார்த்தேன். இன்ப அதிச்சி. கஜாவால் வளைத்து கிட்டத்தட்ட ஒடிக்கப்பட்டு, தலை பிய்த்து வீசப்பட்ட ஒரு தென்னையின் உச்சியில் பாளை பூத்திருந்தது.  ‘’என்ன மாமா இது?” என்றேன் ஆச்சரியமாய்.
தலையைத் திருகி போட்டாலும் பூத்திருக்கு பாத்தீங்களா... அதான் நம்பிக்கைசட்டெனச் சொல்லி கிராமத்து மனுஷன் விவரமாய் சிரித்தார். கஜா பேரழிவுக்காக கண்டம் தாண்டியெல்லாம் கண்ணீர் சிந்தினார்கள். ஆனால் கஜாவின் வேட்டைக் காட்டில் கஜாவை வென்று, அந்தத் தென்னைமரம் மீண்டும் தன் பாளை மூலம் சிரிக்கிறது. இது நம்பிக்கையின் குறியீடு. டெல்டா மீண்டும் எழும். புரட்டிப் போடும் புயல்களையும், புயலின் பெயரைச் சொல்லி புரட்டுகளை வீசும் பயல்களையும் தாண்டி டெல்டா எழும் என்ற நம்பிக்கை வார்த்தையை, தலை பிய்க்கப்பட்ட தென்னையில் இருந்து உயிர்த்திருக்கும் பூம்பாளை பேசுகிறது.
இப்போதெல்லாம் மனசை சில கவலைப் புயல்கள் கடக்கும்போது கண்ணை மூடி அண்ணாந்து கொள்கிறேன். என் கிராமத்துத் தென்னையின் பாளை என்னைப் பார்த்து சிரிக்கிறது, ‘எதிர்த்து நில்லுடா... பூக்கலாம். ’ என்ற வார்த்தைகளை உதிர்த்தபடி!
-ஆரா